+ الرد على الموضوع
النتائج 1 إلى 12 من 12

الموضوع: (*_*) الحلقة 4 من برنامج مزعين ع الهوا ..........(*_*)

(*_*) الحلقة 4 من برنامج مزعين ع الهوا ..........(*_*)

  1. #1
    Member THE  TOP
    تاريخ التسجيل
    Jan 2010
    المشاركات
    33
    معدل تقييم المستوى
    0

    (*_*) الحلقة 4 من برنامج مزعين ع الهوا ..........(*_*)

    أهلا بيكم اعزائى المشاهدين فى برنامجنا مزيعين على الهواء و حلقه جديده
    وزى ما وعدناكم اننا بنقدم كل جديد حلقه النهارد هي حتكون مميزه جدااا عشان اللي معانا مش اي حد......


    هذا البرنامج برعاية


    فودافون عيش احلى ما فى الحظة




    كوكاكولا



    سيراميكا فينيسيا..... مش هتحتاج لفرش


    جهينة



    نقدملكم النجم ...... jokerman

    المسلمة


    السلام عليكم ورحمه الله وبركاته
    ازيك يا بشمهندس ؟يا رب تكون بخير


    اهلا بيكم وانا سعيد جدا انى اكون معاكم


    في البدايه قولنا معنى اسمك ؟وليه اخترته؟ ويشبهك فى ايه؟

    اولا زى ماهو واضح الجوكر وممكن يبقى معناه حاجه من الاتنين الاول الجوكر بتاع الكوتشينه اللى ليه دور كبير جدا فيها ثانيا شخصيه الجوكر العبقريه
    وانا بصراحه اخترته بعد ماشفت فيلم batman : the dark knight وبصراحه health ledger اللى كان بيقوم بدور الجوكر كان عبقرى فى تمثيله واندمج جدا فى الدور وحتى هو بعد الفيلم مات وكان بياخد حبوب اكتئاب من كتر اندماجه فى الدور
    اهو موضوع يشبهنى دا مش قوى يعنى بس انا ممكن تقولى عليا العقل المدبر


    لما كنت صغير كان نفسك تبقى ايه ؟؟؟

    حقيقى كان نفسى ادخل كليه بترول وتعدين السويس لانها صاحبه اكبر مجموع وانا كنت عايز افرح اهلى والحمدلله انى مدخلتهاش وموضوع الحمدلله ده يبقى يقولهولك حبيبى احمد الشيخ عشان بصراحه دى كليه مش كويسه بالمره
    بس احلامى كانت انى ابقى مبرمج او اشتغل فى الكمبيوتر لانى كنت ولازلت بحب الكمبيوتر


    هل تحققت اى امنيه اتمنتها قبل كده؟؟؟

    الحمدلله انى ادخل هندسه

    من وجهة نظرك ينفع يكون فى علاقه زماله بين الولد والبنت؟


    انا عن نفسى لا مش بحب الموضوع ده اطلاقا لان طبعا الموضوع عمره ماهيقتصر على الزماله وانما هيتطور والواحد مش هيركز فى دراسته او فى اى شيئ اخر وطبعا كله بعد كده هيبقى فى الحرام وهتيجى عليا بخسارة


    الكلمات دى بالنسبالك معناها ايه؟


    الحب::

    انا اسف فى اللى هاقوله بس الحب عذاب والحمدلله انا كنت على البر فى الموضوع ده بس انقذت نفسى

    الصداقه::


    اسمى شيئ فى الوجود بس اليومين دول للاسف مفيش اصدقاء


    الخيانه::

    جرح عميق لا يمكن نسيانه غير بحب جديد


    ممكن تسامح حد زعلك فى يوم ولا؟

    اولا على حسب زعلنى فى ايه وانا الحمدلله متسامح جدا مع اى حد كويس

    واسيب حضرتك لزميلى

    انتظرونا بعد الفاصل











    ورجعنالكم مره تانيه وحنكمل حوارناالشيق مع ضيفنا النهارده

    MD


    *ازيك ياجوكر الاول


    الحمدلله

    *بحب ارحب بيك انك معانا فى الحلقة بتاعتنا (( مزعين على الهوا ))


    اهلا بيك للمره التانيه وانا سعيدج ان انت اللى بتسالنى لان انت حبيبى


    *انا فى الاول بحيك على شغلك فى المنتدى


    ربنا يكرمك يانجم وانا بصراحه بحاول افوق الناس النايمه اللى فى المنتدى لان بصراحه لو الناس دى فاقت هننهض بالمنتدى باذن الله


    *جاهز ياجوكر نبتدى
    لو جاهز يلا بينا


    يلابينا


    عرفنا بنفسك ياجوكر ؟؟؟


    انا اسمى محمد محمود عبدالله من محافظه كفرالشيخ من مركز مطوبس فى اولى مدنى الجموعه التانيه سيكشن 15


    اية علاقتك مع صحابك ؟؟؟؟

    تمام الحمدلله علاقه كلها خير ومحبه لان احنا اصلا قبل مانبقا صحاب احنا جيران وقرايب ونسايب


    اية اكتر حاجة فى شخصية جوكر بتعجبة ؟؟؟


    هدوئه وان هو العقل المدبر وبصراحه ساعات بحس انه زى Tobin Bell اللى فى فيلم saw اللى بيمثل دور Jigsaw لانه عاقل جدا
    وبصراحه اللى مكنش يعرف الجوكر او مش مهتم بيه اكيد من تمثيل health ledger بقى مهتم بيه


    *واكتر حاجة مش بتعجبك فى نفسك ؟؟؟


    اكتر حاجه مش بتعجبنى فى نفسى ................ بصراحه سؤال صعب معتقدش انى ممكن اقدر ارد عليه بسهوله او بنفسى
    بس انا هاقولك بالتقريب ممكن تقول ان انا ساعات ببقى مغرور لانى ساعات ببقى فى حاجه كويس وبلاقى اللى حوليها مش قوى فيها فساعات بيخدنى الغرور بس بفضل الله لما بحمد ربنا وبتوضا وصلى بينتهى الموضوع دا تماما وبحتقر نفسى بعدها



    اية طموحاتك فى المستقبل ؟؟؟


    طموحاتى.......نفسى ابقى مصمم جرافيك كويس
    ونفسى بجد بس من غير ماحد يضحك عليا ............. انا نفسى فى مشروع كبير فى مصر نسخر فيه كل طاقات الشباب

    شفتك وانت بتضحك ونفسى حقيقى ابقى حاجه لما اتخرج وافرح اهلى لان انا بصراحه دبلرت فى اعدادى ودى كانت اصعب حاجه بالنسبه ليهم ويارب مش تتكرر

    ونفسى اشتغل فى مشروع عملاق فى دوله عربيه او اوروبيه واشرف بلدى والناس تقول دا مهندس مصرى



    اية رايك فى المنتدى والاعضاء الحالين؟؟؟


    المنتدى الى حد ما كويس بس للاسف انا هاقتك انج احمد والباشمهندس احمد دياب لانهم كانوا بيقولوا انهم هيغيروا المنتدى من php الى vb وطبعا اللون هيتغير والحياه هتحلو يامعلم


    وبصرااحه الاعضاء جمال جدا ولكن فين النفس؟


    *واية الى ناقص من وجهة نظرك فى المنتدى ؟؟


    ناقص ان كل واحد يحاول يعمل حاجه للمنتدى ده عشان لما يتخرج من الكليه ويدخل تانى للمنتدى ويلاقى موضوعه لسه بيترد عليه تخيل بقى الفرحه اللى هيبقى فيها

    وكمان الناس تحاول تبتكر مواضيع يعنى نحاول نخفف من المواضيع المنقوله او حتى ياريت نعدل عليها باسلوبنا احنا برده مهندسين واحنا اساس كل شيئ فلازم يبقى لينا اضافه


    اية رايك فى الحاجات دية؟؟


    *الامل

    امل ماتت لا بجد انا هاستعين بالايه

    (قل يا عبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم)

    فلازم يكون فى امل فى الحياه ولازم يكون فى امل فى بكره لان احنا مسلمين

    بس بينى وبينك الكليه بتعاتنا دى موتت كل امل دخلت فيها


    *الخير

    الدنيا لسه فيها خير بص على الشجر والنخل والشمس لما تشرق وتغرب ولما الناس تقف جنب بعض ولما الاخوات يساعدوا بعض

    والايمان بالله والصبر مفتاح الخير

    والخير مفتاح الخلاص للبشر

    ايه الكلام الكبير ده



    *الشر

    الشر هو بكل بساطه هو غياب الخير

    زى ما الطلام هو غياب النور


    الحكمة

    الحكمه من التأنى او هى عكس السرعه والعجله من الشيطان


    فى اخر لقائنا معاك حابب اشكرك على تواجدك معانا ويارب نكون خفاف عليك وتكون الاسئلة عجبتك


    الف شكر ليكم لا ابدا تحت امركم فى اى وقت الحمدلله الاسئله كويسه بس يعنى انا قاعد اجاوب ولا حد جبلى كوبايه شاى ولا عصير

    واسيبك مع زميلى الى بعدى


    انتظرونا بعد الفاصل
    اوعى حديغير المحطه





    الى ملهمش فيها بيشجعوا مصر ..... واحنا معاهم



    ورجعلنالكم تانى


    Hams El Amar


    اولا اهلا بيك معانا النهارده فى برنامجنا مزيعيين ع الهواء
    اهلا بيكى للماره التالته على التوازى
    ويارب تكون مبسوط معانا فى الحلقه
    احلى انبساط حد يشوفكم ويزعل
    بس احنا مش عندنا غير شاى بالياسمين صورة يمشى ولا
    ياااااااه
    ياباشا اى حاجه منكم حلوه ............ اى نعم هو ناقص سكر بس كفايه سكركم

    يلا بينا جاهز
    جاهز لايه؟ ..هو انتوا هاتتحولوا ولا ايه؟
    لا خلاص انا جاهز



    فى البدايه كده عرفت المنتدى منين ؟؟؟

    يااااااااااااااه انا بقالى فوق ال3 سنين فى المنتدى بس حقيقى مش فاكر ... اه لا افتكرت اصل واحد صاحبى كان فاتح الموقع فى مره فانا سالته عليه ودا كان اول مره اندمج مع منتدى

    بما انك دخلت الانتخابات ونويت ترشح نفسك مشرف لاقسام تحميل برامج كمبيوتر وانترنت وشرح برامج كمبيوتروتحميل العاب Download games بالاضافه الى اولى مدنى مضبوط ؟؟؟
    تمام وربنا يقدرنا عليهم باذن الله
    اعتبر السؤال ده دعايه ليك وقولنا لو انت مسكتهم حتعمل فيهم ايه عشان نبقى نصوت لك فى الانتخابات ؟؟؟؟؟؟

    ان شاء الله اول ماهمسكم ان شاء الله وربنا يقدر انا هاعمل اكتر من موضوع اول موضوع هيكون اطلب اى برنامج وانا باذن الله اجيبه وارفعه للمنتدى مخصوص
    والموضوع التانى هيبقى اطلب اى سيريال او كراك او اى وسيله لتنشيط اى برنامج او لعبه وانا هاجيبه
    والموضوع التالت اطلب اى شرح لبرنامج وباذن الله بالصور وانا اشرحه وبالصور
    وباذن الله كذا موضوع تاينين
    وانا باذن الله هاحاول ارفع الحاجات باسرع وقت وانا بحاول استفاد من السرعه اللى عندى 2 ميجا وانفع بيها الناس


    ايه رايك فى تفكير الشباب المصرى ؟؟؟

    بصراحه نادرا لما الاقى شباب بتفكر بايجابيه (دا لما اكلم واحد فيس تو فيس) كل واحد تحس انه مضيع او ملتزم ومتزمت


    ايه اخبار الاجازه معاك ؟؟؟


    طيب ليه بس الكلام ده خلينا قعدين
    والله الحمدلله الاجازه تقريبا نوم وبعض الاستفادات


    وايه اكتر اماكن تحب تروحها؟؟؟


    احنا عندنا قناطر خيريه نفسى اروح مع صحابى زى زمان

    ايه هى مواصفات فتاه احلامك ؟؟؟؟؟؟
    :
    لا لو هنتكلم على المواصفات بقى انا عايز واحده اوروبيه شكلا يعنى عيون زرق شعر اصفر وش قمحى يعنى من الاخر نادرا لما نلاقى التجميعه دى

    وملتزمه وتكون اخلاق وبنت ناس محترمه
    والحمدلله انا لقيتها بس لسه بدرى على الموضوع ده



    ايه رايك فى ماتش مصر والجزائر الاخير اللى اتغلبوا فيه (( ** 4 **)) وكان ايه احساسك قبل واثناء وبعد المبارة وهل كنت متوقع النتيجه دى ؟؟؟
    بصراحه مباراه زى الفل
    وكان احساسى قبل المباراه بالحماس وان احنا لازم نعمل حاجه فى المباراه دى
    لكل مجتهد نصيب طبعا بلا شك احنا كان لنا الاحقيه فى الصعود لكاس العالم بس انا عايز اعرف لو كنا صعدنا واتغلبنا بنتيجه كبيره من منتخب ضعيف اظن المنظر مش هيبقى حلو بس بصراحه قدر الله وماشاء فعل بس حقيقى ربنا مقدرلنا الخير ودا كان اثبات للعالم كله ان مصر هى الاول والاحق بالصعود وان لمصر العزه وطبعا الجزاريين ربنا هيكرمهم احلى كرم فى المونديال
    وكمان لا كلام بعد كلام جوزيف بلاتر
    انه قال (مصر لم تخسر كاس العالم بل كاس العالم خسر مصر)


    وفى النهايه احب اشكر jokerman ع تشريفه لينا النهارده ويارب تكون الحلقه عجبتك
    الف شكر ليكم وانا مبسوط انى كنت معاكم

    وبكده نكون وصلنا لنهايه حلقتنا النهارده
    ليه كده بس مااحنا مع بعض وحلوين


    وجينا دلوقت لسوال الحلقة
    "الباب اللى يجيلك منه الريح....؟
    1-باب زويله.
    2-باب ملغى من المقرر.
    3-باب كالونه 6 سكات.
    لو عرفت الاجابه رن الجرس او خبط واحنا حنفتحلك


    مع THE TOP مش هتقدر تغمض هنيك


    والى اللقاء فى حلقه جديده وعضو جديد فى برنامجكم مزيعيين ع الهوا

  2. #2
    Senior Member النجم الأزرق
    تاريخ التسجيل
    Jan 2010
    المشاركات
    3,055
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    انا نفسى فى مشروع كبير فى مصر نسخر فيه كل طاقات الشباب
    حلو اوى الكلام ده يا جوكر بس احجزلى معاك بأه

    حلقة جميلة جدآ وردود احلى

  3. #3
    Moderator ايمان ابراهيم
    تاريخ التسجيل
    Feb 2009
    العمر
    27
    المشاركات
    4,049
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    بجد الحلقه جامده جدا
    بس انا ليا تعليق
    من وجهة نظرك ينفع يكون فى علاقه زماله بين الولد والبنت؟

    انا عن نفسى لا مش بحب الموضوع ده اطلاقا لان طبعا الموضوع عمره ماهيقتصر على الزماله وانما هيتطور والواحد مش هيركز فى دراسته او فى اى شيئ اخر وطبعا كله بعد كده هيبقى فى الحرام وهتيجى عليا بخسارة
    الزماله موجوده بالفعل بين الولد والبنت وعلى فكره انا فكرت فى الموضوع ده كتير بس من ناحيه التعامل بين الولد والبنت لان الزماله موجوده بالفعل بحكم وجودنا فى كليه واحده وفى النهايه وصلت ان التعامل بين الولد والبنت فى الكليه جايز جدا وطبيعى طالما فى احترام وفى حدود والاهم فى شئ يدعوا الى ذلك وعمره ماهيتطور طالما حاطط حدودفى التعامل بالنسبه للصداقه بين ولد وبنت لا بفضلها ولا بعترف بيها اصلا
    وطبعا وجه نظر حضرتك تحترم بس انا حبيت اوضح الفرق بين الزماله الى موجوده بالفعل والصداقه


    وطبعا انا بشكر the top على المجهود الرائع
    واتمنى لكم مزيد من التقدم
    اذا أردت ان تكون عليك أن تتحدىالعالم لكى تكون واذا أردت أن تحقق حلمك فأجتهد وأدعوا ربك وثق بالله فالثقة بالله نعيم بالحياة طمأنينة بالنفس قرة العين أنشودة السعداء وحينئذ ستكون وسيتحقق حلمك بإذن الله

  4. #4
    Administrator eng/ ahmed
    تاريخ التسجيل
    Dec 2006
    الدولة
    alex
    العمر
    29
    المشاركات
    5,604
    معدل تقييم المستوى
    10

    Re: (*_*) الحلقة 4 من برنامج مزعين ع الهوا ..........(*_*)

    حلو اوووووووووووى الرنامج ده
    ابحث عن الامل
    حتى إذا كان
    فى اعماق اليأس


    حمله طلاب كليه هندسه لاغاثه منكوبى السيول




  5. #5
    فريق عمل نادي المهندسين arch/noha الصورة الرمزية arch/noha
    تاريخ التسجيل
    Feb 2008
    الدولة
    حيث ولدت
    العمر
    28
    المشاركات
    2,006
    معدل تقييم المستوى
    10

    Re: (*_*) الحلقة 4 من برنامج مزعين ع الهوا ..........(*_*)

    حلوه الحلقه ده
    و الاجابات كمان كويسه و واضح فيها الصراحه

    انا بيعجبني اوي سؤال الحلقه ده

  6. #6
    Senior Member AL~SRAB
    تاريخ التسجيل
    Jan 2010
    الدولة
    في الظلال
    العمر
    28
    المشاركات
    1,381
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    بنامج حلو أوي
    وضيف البرنامج هو أحلى ما فيه
    بجد مجهود عظيم تشكروا جميعا عليه


    تضيع الوقت سيرًا خلف الأمل الزائف
    وتفني العمر في البحث عن الـســرآب
    [align=right:1efihnds]~حـ~الـطـــيف~ـلم~[/align:1efihnds]
    [bigimg:1efihnds]http://www.ibtesama.com/vb/imgcache2/74198.gif[/bigimg:1efihnds]

  7. #7
    Moderator jokerman الصورة الرمزية jokerman
    تاريخ التسجيل
    Oct 2008
    الدولة
    Eng-Club
    العمر
    28
    المشاركات
    2,403
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    حقيقى انا متشكر على المقدمه اللجميله دى واللى اعتز بيها وسط ناس حلوه وجمال زيكم

    ودايما من تقدم لتقدم لTHE TOP

    اقتباس المشاركة الأصلية كتبت بواسطة النجم الأزرق
    حلو اوى الكلام ده يا جوكر بس احجزلى معاك بأه
    شوفت بقى انا كنت خايف من التريقه دى

    ماشى يامحمد

    اقتباس المشاركة الأصلية كتبت بواسطة ايمان ابراهيم
    الزماله موجوده بالفعل بين الولد والبنت وعلى فكره انا فكرت فى الموضوع ده كتير بس من ناحيه التعامل بين الولد والبنت لان الزماله موجوده بالفعل بحكم وجودنا فى كليه واحده وفى النهايه وصلت ان التعامل بين الولد والبنت فى الكليه جايز جدا وطبيعى طالما فى احترام وفى حدود والاهم فى شئ يدعوا الى ذلك وعمره ماهيتطور طالما حاطط حدودفى التعامل بالنسبه للصداقه بين ولد وبنت لا بفضلها ولا بعترف بيها اصلا
    وطبعا وجه نظر حضرتك تحترم بس انا حبيت اوضح الفرق بين الزماله الى موجوده بالفعل والصداقه
    انت كلامك صح وانا موافق عليه مش بحترمه بس

    لان انت كلامك صحيح جدا بس لازم يكون داخل نطاق الكليه يعنى زماله وازيك والاخبار ونفيد بعض وكدا

    لكن برا يدوب سلام بس
    واشكرك جدا على المداخله الجميله دى


    اقتباس المشاركة الأصلية كتبت بواسطة nohnoh_55
    و الاجابات واضح فيها الصراحه
    اه والله انا مرضتش اخبى حاجه اصل المجموعه دى حبيبتى ومن الناس العزاز عليا اللى سالتنى MD حوده حبيبى بس الحمدلله مضغطش عليا ولا حاجه

    اقتباس المشاركة الأصلية كتبت بواسطة AL~SRAB

    وضيف البرنامج هو أحلى ما فيه
    تسلم ياغالى وربنا يكرمك

    والله انتوا اللى احلى ناس


    شكر خاص لكل اللى شاركوا فى الموضوع والف شكر على ردودكم الجميله

    بس انا كنت متوقع حد يدخل ينقد بس الحمدلله

    وشكرا ل THE TOP على المجهور فى الحلقه

    شكرا يا****ه ودايما فى تقدم

  8. #8
    Senior Member Mahmoudbasiony
    تاريخ التسجيل
    Sep 2007
    الدولة
    فى اى مكان من بلاد الله
    العمر
    28
    المشاركات
    5,670
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    احنا خبينا حاجات تانية علشان مش حد ينقدك فيها

    صراحة يامحمد انتة من شخصيات الجميلة الى انا اتعاملت معاها
    #1BA9FF
    كل الكلمات تبدو عاجزة أمام لحظة صدق تنطق بها عيون المحبين وكل الرسائل تبدو فارغة مالم تظهر نبضات القلوب

    من مواضيعى
    !!!!كل حكياتى انتِ

    زهور فى حروف

    الحب والثقة والتصديق والامل

    سكون العشق فى صمت الليل

    تسمحلى اوديك فى داهية ؟؟؟؟؟؟؟

    http://img130.imageshack.us/img130/1277/62419189.jpg

  9. #9
    Senior Member goldenfox
    تاريخ التسجيل
    Apr 2009
    المشاركات
    163
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    برنامج جميل وضيف البرنامج احلى

  10. #10
    Moderator jokerman الصورة الرمزية jokerman
    تاريخ التسجيل
    Oct 2008
    الدولة
    Eng-Club
    العمر
    28
    المشاركات
    2,403
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    اقتباس المشاركة الأصلية كتبت بواسطة ((MD))
    احنا خبينا حاجات تانية علشان مش حد ينقدك فيها

    صراحة يامحمد انتة من شخصيات الجميلة الى انا اتعاملت معاها
    ماشى ياحوده

    وربنا يخليك ياغالى والله انت اللى زى العسل وحقيقى انسان روحه حلوه قوى ربنا يكرمك ياحبى

    اقتباس المشاركة الأصلية كتبت بواسطة goldenfox
    برنامج جميل وضيف البرنامج احلى
    تسلم يانجم منور الموضوع

  11. #11
    Senior Member المسلمة
    تاريخ التسجيل
    Sep 2009
    المشاركات
    1,664
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    ميرسى لكل الناس اللى ردت
    واحنا كلنا كنا سعداء باللقاء مع البشمهندس وبجد كانت حلقه ممتعه
    مستقيل وبدمع العين امضى هذه الصفحه من عمرى
    وامضى........

  12. #12
    Moderator jokerman الصورة الرمزية jokerman
    تاريخ التسجيل
    Oct 2008
    الدولة
    Eng-Club
    العمر
    28
    المشاركات
    2,403
    معدل تقييم المستوى
    0

    Re: (*_*) الحلقة 4 من برنامج مزعين ع الهوا ..........(*_*)

    الف شكر وانا اللى استمتع معاكم

    وكانت حلقه لذيذه وفى انتظاركم فى اى حته

    شكرا

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك