+ الرد على الموضوع
النتائج 1 إلى 10 من 10

الموضوع: الحلقة (الثالثة عشر) من برنامج مزيعين على الهوا "حلقة خاصة"

الحلقة (الثالثة عشر) من برنامج مزيعين على الهوا "حلقة خاصة"

  1. #1
    Moderator Eng:M.Nagy
    تاريخ التسجيل
    Aug 2008
    العمر
    28
    المشاركات
    1,920
    معدل تقييم المستوى
    0

    الحلقة (الثالثة عشر) من برنامج مزيعين على الهوا "حلقة خاصة"

    اهلا بيكم اعزائى المشاهدين معانا النهاردة فى حلقة جديدة من برنامجكم مزيعين عالهوا


    النهاردة بنقدملك حلقة مميزة
    الضيف فيها : "المزيع السابق
    eng.Mohamed Medo
    و طاقم المزيعين النهاردة : asmaa abdalla & snow white & Eng:M.Nagy & محبة للاسلام
    و دول طبعا بينوبوا عن جروب KNIGHTS ENGINEERS
    انا عارف ان الحلقة ممكن تكون طويلة علشان اللى بيقدم الحلقة اربعة مش تلاتة لكن انا متأكد ان رغبتكم فى معرفة العضو و أراءه هتخليكم تكملوا الحلقة كلها

    نسيبكم مع الحلقة بقى علشان ما اطولش عليكم


    Eng:M.Nagy

    -اعزائى المشاهدين اسمحولى ارحب بيكم و نرحب بضيفنا العضو الجميل العضو الفعال العضو المؤثر فعلا و مشرف قسم الهندسة الكهربية
    نرحب بمحمد ميدو و نقوله
    ازيك يا محمد ؟؟ ايه اخبارك ؟؟ منورنا و الله

    كويس الحمد لله والله انا مبسوط جدا بانى معاكم بجد


    -يا ترى ايه رأيك فى كرسى الضيف مريح و لا مش اوى؟؟ لو مش عاجبك ممكن تيجى مكانى دا كرسيك برده

    اه والله وحشنى الكورسى بس تصدق الكرسى ده اريح شوية


    -نبدأ كده و نقول عاوزين نعرف اكتر عن ميدو زى ما البطاقة بتقول و اكتر شوية

    اسمى محمد احمد ابراهيم حسين
    مسلم وفخور جداااااااااااا بكده
    طالب فى كليه الهندسة قسم كهرباء وده قسم جمييييييييل جدا وانا مبسوط انى دخلته
    ونفسى النتيجة تطلع بقا


    -نحب نعرف يا ترى ميدو بيحلم بإيه ؟؟ فى احلام الواحد بيحلم بيها و عارف ان تحقيقها ممكن و فى احلام تانية الواحد بيحلمها و هو عارف ان تحقيقها صعب جدا بس مش مستحيل عاوزين نعرف احلام ميدو فالنوعين

    احلامى الى ممكن تتحقق انى اكون انشاء الله مهندس كويس اقدر افيد بلدى ونفسى واسرتى
    ونفسى اعمل حاجة جديده فى مجالى
    بالنسب للاحلام الى صعب انها تتحقق ودى حاجة شخصية شوية
    انى الاقى انسانة تفهم الحب زى ما انا فاهمة وتساعدنى فى حياتى الى اوقات كتير ممكن تمر بظروف صعبة
    يعنى من الاخر الاقى الحب الى انا نفسى فيه



    -نخلى الحوار يسخن شوية و نقول
    اظن يا ميدو حالنا و حال البلد ما يرضيش حد تفتكر و بصراحة مين السبب فالحال اللى وصلناله احنا و لا الحكومة و لا الوضع العالمى و لا ايه بالظبط؟

    شوف يا ناجى كلهم السبب فى الوضع الى احنا فيه
    لانها منظومة متكاملة اى عيب فيها بيقصر على الباقى
    فالى نقدر نتحكم فيه هو احنا وحكومتنا لازم نساعد مش كل واحد يرمى الاسباب على الاخر ومش بندور على الحلول


    -اظن دلوقتى اصبح امر واضح ان فكر معظم الشباب و اهتمامتهم اصبحت لا تبشر باى خير
    تفتكر ايه السبل اللى ممكن تصحى الشباب و توجه فكرهم التوجيه الصح؟

    هو الشباب نفسهم ,يعنى لازم كل شاب يقعد يفكر كده هل حاله دلوقتى كويس هو راضى عنه ولا لا
    واكتر حاجة ممكن تساعدهم هى فى كده هو القرب من الله سبحانة وتعالى بجد لو ابتدوا يقربوا من ربنا بجد حتصلح حال الشباب ومعاه حال البلد كلها


    -نسأل سؤال عن المنتدى كده علشان محدش يقول ان نسيته
    يا ترى يا ميدو ايه الحاجة اللى نفسك بجد تشوفها فالمنتدى بس انت نفسك مش عارف تعملها ازاى؟ وايه الحاجة اللى انت شايفها فالمنتدى و نفسك ما تكونش موجودة بس برده مش عارف تشيلها؟

    الحاجة الى نفسى انها تكون فى المنتدى هى الروح ال****ية فى حل المشاكل واننا نحب بعض شويه ونساعد بعد
    مش كل واحد مش عاجبه حاجة يعترض وفى لحظة يتقلب الموضوع الى زعل والحكاية تكبر
    يعنى حد شايف ان فى مشكلة مش يقعد يعيب على النظام بتاع المنتدى والناس الى فيه
    لا يقدم حلول وافكار لحل المشكلة ويساعد فى حلها ده لو هو قلبه على المنتدى
    انا مش بنفى ان ممكن تكون فى عيوب بس مفيش حاجة كاملة لان الكمال لله عزوجل
    بالنسبة للحاجة الى مش عارف اشيلها هى طريقة الحوار بين الناس تلاقة من موضوع تافه تحصل حكاية كبيرة
    يعنى مش عارفين نسمع بعد ولا عندنا مفهوم الراى والراى الاخر كل واحد شايف انه صح ومش مهم الباقى


    -وصلنا لاخر سؤال فى فقرتى يا ميدو
    و انا بقى هاغش الحتة دى من سارة
    و اديك المايك "خمس دقايق بس لاحسن تسرح و تفتكر نفسك انت المذيع "
    و اقلك اتكلم فى حاجة يا ميدو كنت حابب تتكلم فيها بس ما جتش فى سؤال من اسئلة الحلقة

    احب اتكلم عن الصداقة والعمل ال****ى بجد دى حاجة مهمة جدا لازم نحاول نتعود عليها
    لاننا خارجين من المدارس مش عندنا روح المشاركة خالص
    وحاجة تانية نهتم بالذهاب لمكتبة الاسكندرية بجد دى اكتر حاجة لو اهتمينا بيها كشباب ممكن بجد نحل مشاكل كتير فينا كشباب الجو المحيط بينا بيدفعنا الى التفاهه والجهل (اظن كده اقل من خمس دقايق


    -كده انا خلصت فقرتى و يارب مكنش تقلت عليك "انا حاولت انى اكون طيب معاك و الله " و اقلك نورتنى يا ميدو و انا فعلا كنت سعيد بلقائى معاك و اسيبك مع الزميلة أسماء

    بجد انا مبسوط من وجودى معاكم



    asmaa abdalla

    ازيك يا بشمهندس
    اولا طبعا ارحب بيك معانا ف برنامجكم "مزيعين ع الهوا"
    ولانه كما تدين تدان فانت معانا النهاردة مسئول مش سائل

    اهلا بيكى يا اسماء
    والله عندك حق الدنيا دى ضيقة جدا مش بتسيب حد على حاله
    بس احنا من قسم واحد فبراحة عليه فى الاسئلة انا كنت بسال اساله سهلة


    خلاص الكاميرات مظبوطة وكل حاجة جاهزة .....صور يابنى
    جاهز؟؟؟؟؟؟؟
    1- مزيد عن محمد ميدو:
    -طبعا اول سؤال غالبا تعريف لنفسك فانا مش عاوزاك تقول تعريف البطاقة انما تدخل جواك كدة وتقولنا فيه ايه جوة "مش المعدة والامعاء طبعا " انما تسلط الاضواء على فكرك واحساسك عشان نعرف نشوفهم

    اممممم.... بالنسبة لحياتى الشخصية انا مش بحب اتكلم فيها كتير يعنى
    بس ممكن اقول انى اخ كبير لاتنين اخوات اخ واخت اصغر منه , والدى راجل عظيم بحبه جدا واتعلمت منه كتير
    علمنى حب الله والاسلام والصلاه من وانا صغيييير جدا , علمنى الاعتماد على النفس ودى من اهم الحاجات الى كونت شخصيتى لانى كنت بشتغل واتعامل مع ناس من مختلف الطبقات من وانا صغير يعنى رابعة ابتدائى تقريبا
    علمنى حب مساعده الغير وكان دايما يقولى (اعمل الخير واحتسبه عند ربنا ) مهما كانت الشخصية الى بتساعدها وحاجات تانية كتير جدا لو اتكلمت عنها مش تكفى حلقة واحده . بالنسبة لوالدتى دى اعظم ست فى الدنيا وانا بحبها جداااااا ويارب تكون سامعانى دلوقتى


    -اذا كان لابد من التجنى على احداهن "حياتك الشخصية وحياتك العملية " فمن سيكون المجنى عليه؟؟؟؟؟؟؟؟
    بالنسبة للمجنى عليه فهى حياتى الشخصية


    2_عن المنتدى
    - طبعا لا خلاف انك من الشخصيات المسالمة ف المنتدى واللى علاقاتها بالجميع كويسة وانك بتحافظ طول الوقت على رايك مع احترام الاراء الاخرى ولان مش كلنا كدة فياريت تقلنا وصلت ازاى للمرحلة دى من الدبلوماسية والاجتماعية ؟؟ "دا مش حسد ع فكرة انما تقدر تقول قر "

    انا مش بخاف ولا من الحسد ولا القر الحمدلله

    بس والله يا اسماء دى مش دبلوماسية ولا حاجة انا بحب جدا انى اسمع الناس واسمع ارائهم حتى لو كان رايهم ده ضدى
    مش مشكلةلانى مش بعمل حاجة غير لما اكون مقتنع بيها بس لازم فى الاخر اشكر الى قال رايه لانه اهتم بيا على الاقل يعنى احسن من الى ساكت مش بيقول حاجة زى قلته يعنى
    بالنسبة بقا لكونها اجتماعية فدى حاجة تلقائية
    انا بطبعتى بحب الناس وبحب العمل ال****ى وبحب اصدقائى جدا وانا متخصص فى سماع الناس سماع مشاكلهم فالحمد لله اى حد من صحابى بيكون فى مشكلة او محتاج يتكلم مع حد فاول حد بيلجاوا له هو ان الحمد لله وانا سعيد بكده جداااا

    -فكرة المجموعات فكرة جديدة ف المنتدى طورته واثرته على المستوى العام لكن على الصعيد الشخصى ايه اللى جذبك ليها وايه اللى استفدته من العمل ف ****ة ؟؟؟
    زى ما قولتلك انا بحب العمل ال****ى جدااا وكمان انا لاقيت فيه انه حينشط المنتدى فكنت حابب انى اكون من اول الناس الى تشارك فى الفكرة , وكمان انا اتعرفت على اتنين من احسن الناس الى موجودين فى المنتدى سارة وهمس وانا سعيد بالعمل معهم وبمعرفتهم


    3-اسئلة عامة:
    *بنقرا كل يوم ف الصحف عن مشكلة دول حوض النيل والخلافات المستمرة وان الدول دى بتتحكم ف مصر متناسيين انها دوله المصب زى ما هما دول المنبع وطبعا شايف برده سياسة التطنيش اللى متاخدة تجاه الموضوع ........تخيل نفسك المسئول ماذا ستفعل لانقاذ شعب من الجفاف يعنى ايه التصرف المثالى ف الموقف ده من وجهة نظرك؟؟؟؟؟

    حلو اوى السوال ده يا اسماء
    بالنسبة للمشاكل دى فهى من زماااااااان جدا لان الدول دى شايفة ان مصر واخده كل الخير بتاعهم وان ده مش من حقها
    بس هم لو فكروا بعقل شوية حيلاقوا ان مصر هى الى محسنة صورتهم بين دول العالم وهى الى بتهتم بامورهم
    لكن نقول ايه خيرا تعمل شر تلقى
    بالنسبة للجفاف فكان فى فكرة اتقالت فى مؤتمر علمى فى مكتبة الاسكندرية والى بنتهز الفرصة دى وعايز اقولكم يا ****ه المكتبة بتعمل حاجات كتير جميله جدا ومفيدة فلازم نشارك فيها ونتابعها ومنها حاجة مهمة اوى وهى ((مهرجان اسكندرية العالمى ))) . نرجع لموضوعنا فى هذا المؤتمر كان بيتكلم عن النانو تكنولوجى وانهم اكتشفوا ماده ممكن يتصنع منها انابيب هذه الانابيب تقوم بتنقية المياه من الشوائب بدرجة كبيرة جدا كانوا جايبين صورة للاطفال فى افريقيا وهم بيشربوا من النيل مباشرة بواسطة هذه الانابيب .فبالتالى دى فكرة ممكن تساعد كتيييييير


    -بما انك دايما بتسأل الناس ف الرياضة "ايه رايك ف اعارة ميدو للزمالك؟؟؟ وهل ده مفيد ليه وللنادى ؟؟؟؟؟ وكذلك انتقال الحضرى للاسماعيلى ؟
    النسبة لسوالى عن الرياضة فده انا ببقى قصده مع البنات بالذات لانهم مش بيهتموا بالموضوع ده فعايز اشوف اجوبتهم حتكون اازاى وكمان لان الرايضة هى الشئ الوحيد الى كل الناس بتتكلم فيه
    بالنسبة لميدو فى الزمالك انا شايف انها حتكون فايده لميدو اكتر من انها فايده للزمالك لانه عايز يرجع جمهوريته فى مصر زى زمان وانا شايف ان ده حيخليه يلعب بحماس مع الزمالك
    بالنسبة للحضرى فهو راجل فشل فى تجربه خسر فيها كتييير جدا فعايز يرجع ثقته فى نفسه وثقة جماهير مصر فيه ويثبت للاهلى انهم خسروا لما رفضا رجوعه .


    -بما اننا ف قسم واحد.....ايه رأيك فى الدكاترة بتوعنا ؟؟؟وهل النظام اللى بيتبعوه ده صح على حد قولهم ف انهم بيخلونا نعانى ف الكلية عشان نعرف نشتغل بعدين؟؟وايه هى مميزات وعيوب القسم من وجهة نظرك ؟؟؟؟؟وازاى نقدر نتغلب عليها؟؟؟
    ده سوال طويل اوى يا اسماء وانا مش عايز الناس تزهق منى بس ححاول اختصر
    بالنسبة للدكاتره فانا شايف ان فكرتهم فى اننا نتعب فى الحصول على المعلومة العلمية (مش المعاناه فى الكليه) دى فكرة كويسة بس الوقت بتاعها مش مناسب نظرا للضغوط الى علينا وكمان احنا مش متعودين على الاسلوب ده
    مميزات القسم انه فيه دكاترة ممتازة جدا على درجة كبيرة من الخبرة بس ده عيب علشان ده خلى قدرتهم على توصيل المعلومة صعب بانهم ينزلوا لمستوى تفكيرنا علشان يوصلوا المعلومة وعيوبه ان امكانياته العمليه رديئة بل منعدمة جداااااا
    نتغلب عليها دى حاجة فى ايد الدكاترة والقسم والكليه كلهم


    وف الاخر طبعا بنشكر نجم حلقتنا النهاردة ونتمنى تكون اسئلتى سهلة وخفيفة ومتقلتش عليك
    سعداء جدا بلقاءك يا فندم

    انا اسعد والله يا اسماء وانا لاقيت ان الحكاية دى مريحة جدا اكتر من انك تكون مذيع
    ويارب زى ما كنت الى حد ما مذيع خفيف على الناس انى اكون ضيف خفيف ايضا





    محبة للاسلام

    -ونرجع تانى اعزائى المشاهدين مع ضيفنا الباشمهندس محمد ميدو
    وبدورى احب ارحب بيك يا باشمهندس فى اول لقاء اعمله كمذيعة ( وربنا يستر )

    اهلا بيكى معانا واهلا بيكى كمذيعة

    -شخصية الانسان مليانة مميزات وعيوب فمن رأيك ايه هى العيوب اللى لازم تتمحى من شخصية اى انسان على الارض واللى ماتقدرش تتوافق مع شخص فيه العيوب دى وهل فى منها فى صفاتك؟؟ وكذلك ايه هى المميزات اللى شايف انها المفروض تكون فى كل انسان واللى بتتمناها فى الاشخاص اللى حواليك وهل فيها منك ولا لا؟؟ وياريت تقول السبب فى اختيارك للمميزات والعيوب دى ومن وجهة نظرك ازاى نعدل فى العيوب وازاى نكتسب الصفات المذكورة؟؟
    امممم....العيوب الى لازم تتمحى هى الجهل والغباء واللا مبالاه والكبرياء والانانية
    واكتر صفتين بكهرهم فى حياتى هم الكذب وعدم احترام الغير دول بيتعبونى نفسيا جدااااا
    والحمد لله اامل انهم مش يكونوا فيا

    المميزات الايمان بالله ومساعدة الاخرين وحب الخير واكتر حاجة بحبها هى الوفاء
    واظن ان اكتساب هذه الصفات والابتعاد عن الصفات الاخرى سهل جدا بس يكون الانسان عايز يعمل كده
    يعنى الحل لاى شئ هو الارااااااااااااااااادة


    -كل واحد فى الدنيا ليه قدوة بيقتدى بيها طول حياته ونفسه يكون زيها فى يوم من الايام .. يا ترى ايه قدوة محمد ميدو فى حياته؟؟ وهل فعلا قربت من انك توصللها؟؟ وليه الشخصية دى بالذات
    ولو مالكش قدوة فدة راجع لايه؟؟

    بالنسبة لقدوتى فى الحياة فهو الرسول عليه الصلاة والسلام وكل صحابيته رضى الله عنهم وكان نفسى بجد اكون معاهم وبدعى ربنا انه يجمعنى بيهم فى الجنة اللهم امين
    وليه اختارتهم فطبعا هم مش محتاجين تعريف


    -لو قلنالك يا ميدو عايزينك توصف الماضى من حياتك فى تلات كلمات(( او اكتر يعنى زى ماتحب )) توصفه بايه؟؟
    ماضى جميل وانشاء المستقبل يكون اجمل واحسن باذن الله

    -طبعا اكيد عايزين منك نصيحة ( اونصايح يعنى اللى تشوفه ) للطلاب اللى لسة داخلين اعدادى جديد واللى زى حالاتى كدة فتحب تقوللهم ايه بالنسبة للمشاركة فى المنتدى او الكلية؟؟
    اولا برحب بيهم معانا فى المنتدى وفى الكليه
    بالنسبة للمنتدى انا عايزهم يشاركوا معانا طبعا ويفيدوا زمايلهم ويضيفوا الينا افكار جديده ويقولوا اارائهم
    بالبنسبة للكليه ينسوا نظام المدرسة خالص بالنسبة لطريقة التعليم يعنى يعتمدوا على نفسهم لانهم مش حيلاقوا حد يقلهم يحضروا ويذاكروا وكده يعنى كل واحد مسئول عن نفسه
    وربنا يوفقكم جميعا


    بالنسبة للمنتدى يا ميدو هل كنت بتدور على حاجة مفتقدها ولقيتها فى المنتدى هنا؟؟ وهل لما دخلت فى حاجة ماكنتش تتمنى انها تبقى موجودة وممكن نقول انها سببتلك شوية احباط؟؟ وازاى اتغلبت على الاحباط دة ( لو كان فعلا حصل )
    كان نفسى اساعد الناس لانى لاقيت ان الدفعة بتاعتنا مش بتساعد حد خالص
    لاقيت ان الناس مش بتقدر ظروف بعض ومش عايزة تسمع اراء بعض
    وكلنا هنا فى المنتدى عايزين نتغلب على الحكاية دى ادعيلنا انتى بس


    -معظم الشباب حاليا ماعندهمش ثقافة دينية سليمة مع ان الداعين الاسلاميين كترو فى زمننا دة وفى من الشباب بيبقى عندهم لكن مش بيعملو بيها .. ايه الاسباب اللى ادت لكدة من وجهة نظرك؟؟
    مش بالضرورى انه لكثرة الداعية الاسلاميين يزيد الثقافة الدينية بل ده ممكن يكون العكس زى ما هو موجود دلوقتى
    لان كل لما يظهر داعية يؤثر فى الشباب ويساعدهم جدا فى التقرب من الله يطلع حد يشوه صورته يخلى الشباب يرجعوا تانى للى كانوا فيه (زى عمرو خالد مثلا) فبسبب تشويه سورة الداعية الاسلامى الثقافة الدينية والاهتمام بالناحية الدينية بيقل والسبب فى ده الداعية ذات نفسهم والاعلام
    اما الى عندهم ثقافة ومش بيعملوا فدول اخطر من الى مش عندهم وده بيبقى بسبب الجو المحيط بالشباب
    ودول ربنا يهدينا ويهديهم انشاء الله


    -بلدنا اللى كلنا شايلين همها فى المستقبل .. من وجهة نظرك تتخيلها هتبقى عاملة ازاى؟؟
    انا شايف ان فى اس كتير بتحاول تساعد الشباب وتساعد البلد على النهوض بس الحكاية عايزة وقت وربنا معانا ومعاهم

    -وليه احنا مش بننافس دول العالم الكبرى من رأيك مع ان عندنا عقول كتييييييير عبقرية؟؟ وايه السبب الحقيقى فى ان العقول دى ماتحققش اهدافها فى بلدنا هنا؟؟
    علشان احنا مش عايزين نتعب ولا عايزين نفكر ايه الفائدة من انك تعرف تفكر بس انت مش بتفكر اصلا
    وكمان الفساد الى منتشر فى البلد طبعا عامل كبير فى تاخرها


    نشكرك يا باشمهندس محمد و اسيبك مع زميلتى سنو وايت




    snow white

    اولا اهلا بيك يا محمد منورنا
    اهلا بيكى يا سنو وايت وحمد الله على السلامة

    الله يسلمك يا محمد
    ثانيا نبدأ بقي الاسئة
    طبعا في مصر في كتير من السلبيات الموجودة وكتير من الايجابيات تقدر تقولنا عن شئ سلبي موجود وتتمنى زواله وايه السبب وكمان تقولنا عن شئ ايجابي موجود وايه السبب لاختيارك ليه؟

    زى ما قلتى السلبيات كتير جدا بس الشئ الى نفسى انه يزول هو اننا مشهورين باننا بنعمل (ابو العوريف) زى ما بيقولوا
    يعنى كل ما تسالى حد حتى ولو مش عارف حاجة لازم يحاول يقولك وخلاص حتى ولو غلط ودى بتسبب مشاكل كتير
    ه دى ممكن نقول عليها حب المساعده بس دى ممكن تضر ناس
    الايجابية او انى شايف الوعى زاد الى حد ما يعنى احسن من الاول شوية والحاجة التانية ان الناس بدات تتكلم وتعترض وتقول على الى مش عاجبها بس برده بنسبة صغيرة بس انا متفائل انها انشاء الله تزيد


    ماذا تعنى لك هذة الكلمات
    الحلم

    الحلم من اعظم الهبات الى الله سبحانه وتعالى منحنا بيها لانها بتساعدنا على الحياة وعلى الامل وعلى التفائل يعنى
    من يحلم هو من يعيش

    السعادة
    السعاده واسمحيلى اضم معاهم الحب لانهم مرتبطين ببعض جدا عاملين زى السهل الممتنع
    وجودهم صعب بس مش مستحيل

    الصداقة
    ااه الصداقة دى احسن حاجة فى الدنيا ولو اتكلمت عنها مش حتكفى مئة حلقة دى شئ ضرورى جدا والى يقول حاجة تانية
    اكيد حيجى يوم من الايام وحيلاقى نفسه ندمان جدا

    شهر رمضان ( بمناسبة قربه كل سنة وانت طيب)
    شهر رمضان شهر العفو والاحسان شهر الاحساس بالفقير والمحتاج شهر الخير والبركات

    ايه رأيك في سينما اليومين دول و عاجباك ولا مش عاجباك وليه؟
    اليومين دول انا شايف انها فى تطور معلش انا رايي معظمه فيه تفائل لان احنا لو قرينا نفسنا فى ال سنة لاخيرة نلاقى اننا فى تحسن نسبى وده مؤشر كويس فالسينما دلوقتى اهتمت بشكل كبير بالمواضيع الاجتماعية والكونيدية والتافهة قلت شوية فده شئ كويس

    اكيد سمعت عن نظام الثانوية العامة الجديد شايف ان دة ممكن يطور التعليم فعلا ولا شايف انه هيبقي ليه نتايج غير مرغوب فيها؟
    والله كل حاجة ليها ايجابيتها وسلبيتها يعنى النظام الجديد ده ممكن يبقى كويس لناس كتير وممكن يكون وحش لناس كتير
    انا بالنسبة ليا النظام القديم كان مناسبنى جداا


    وف نهاية حلقتنا معاك احب اوجهلك فائق احترامى وتقديرى وسعادتى بوجودك معانا ونورتنا
    انا الى سعيد جداا بوجودى معاكم وعايز بقى اسالكم انا مذيع برده اوعوا تنسوا
    انك تكون مذيع ده سهل ولا صعب؟؟؟؟؟؟؟؟؟؟؟؟؟


    اسمحلى ارد عليك انا يا ميدو
    لا بصراحة دى حاجة مش سهلة خالص سواء اعداد الأسئلة و اختيار الأسئلة اللى هتسألها و كمان اعداد الحلقة مش سهل خالص


    يا رب تكون الحلقة عاجبتكم و انتظرونا الحلقة القادمة سواء كان اللى هيقدمها
    KNIGHTS ENGINEERS أو THE TOP
    " مَا أَصَابَ مِنْ مُصِيبَةٍ فِي الأَرْضِ وَلا فِي أَنْفُسِكُمْ إِلاَّ فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ * لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَا آتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ "


  2. #2
    Senior Member هايا
    تاريخ التسجيل
    Nov 2008
    الدولة
    فى قلب الحدث
    العمر
    28
    المشاركات
    1,368
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    طبعا محاورين متألقين وديه طبعا الحقيقه مش مجامله
    وضيف او نقدر نقول المذيع المتألق خصوصا فى الاسئله الرياضيه ميدو طبعا حوارك رائع وصريح جدا
    ميرسى جروب knightenginneers &the top وديما فى تألق
    اللهم من اعتز بك فلن يذل،
    ومن اهتدى بك فلن يضل،
    ومن استكثر بك فلن يقل،
    ومن استقوى بك فلن يضعف،
    ومن استغنى بك فلن يفتقر،
    ومن استنصر بك فلن يخذل،
    ومن استعان بك فلن يغلب،
    ومن توكل عليك فلن يخيب،
    ومن جعلك ملاذه فلن يضيع،
    ومن اعتصم بك فقد هدى إلى صراط مستقيم،
    اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا

    اللهم صل و سلم و بارك علي سيدنا محمد و علي آله
    و صحبه و سلم و الحمد لله رب العالمين.......

  3. #3
    Moderator alexklash
    تاريخ التسجيل
    Feb 2009
    الدولة
    في بلاد الله الواسعة
    العمر
    25
    المشاركات
    2,739
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    حلقة متميزة جدا منك يا بشمهندس

    ردودك محايدة لحد كبير

    و كمان عجبتني اجبتك لسؤال مشكلة حوض النيل
    [bigimg:w04mjs18]http://images.lakii.com/images/Jul09/summer_38.gif[/bigimg:w04mjs18]

  4. #4
    Senior Member deep down
    تاريخ التسجيل
    Feb 2009
    الدولة
    right down to the soul
    العمر
    28
    المشاركات
    592
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    الله يكون في عونك
    وياترى اخدت كام في الحلقه الطويله دي
    مجهود رائع منكم يا ****ه
    الي الامام
    http://www.eng-club.com/forum/images...s/yahoo/51.gifTHERE IS NO GOD BUT ALLAH AND MOHAMMED IS THE MESSENGER OF ALLAH

    بسم الله الرحمن الرحيم

    "من عمل صالحا من ذكر او انثى وهو مؤمن فلنحيينه حياة طيبة ولنجزينهم اجرهم بأحسن ما كانو يعملون "
    صدق الله العظيم


    i know the moon
    ask me why
    cuz moon is so lonely like me
    dont ask me why am lonely
    cuz moon is lonely by nature and
    i am the moon

  5. #5
    Moderator eng.Mohamed Medo الصورة الرمزية eng.Mohamed Medo
    تاريخ التسجيل
    Oct 2007
    الدولة
    اسكندريه
    العمر
    28
    المشاركات
    2,798
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    طبعا محاورين متألقين وديه طبعا الحقيقه مش مجامله
    وضيف او نقدر نقول المذيع المتألق خصوصا فى الاسئله الرياضيه ميدو طبعا حوارك رائع وصريح جدا
    ميرسى جروب knightenginneers &the top وديما فى تألق
    شكرا ليكى يا هايا
    وعندك حق مذيعين متالقين جداااااااا



    حلقة متميزة جدا منك يا بشمهندس

    ردودك محايدة لحد كبير

    و كمان عجبتني اجبتك لسؤال مشكلة حوض النيل
    شكرا ليك يا هشام

    الله يكون في عونك
    وياترى اخدت كام في الحلقه الطويله دي
    مجهود رائع منكم يا ****ه
    الي الامام
    والله عندك حق يا ديب دون
    دول كانوا متشطرين عليا اوى
    كانهم بينتقموا منى
    يلا ربنا يسامحهم بقا
    وشكرا ليكى

    لا تقل اننى حزين
    او ان الدنيا والناس ضدى
    فرغم ظلمات الليل وسواد سمائه
    فهناك قمر ونجوم تزين قبحه





  6. #6
    Moderator Eng:M.Nagy
    تاريخ التسجيل
    Aug 2008
    العمر
    28
    المشاركات
    1,920
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    اقتباس المشاركة الأصلية كتبت بواسطة هايا
    طبعا محاورين متألقين وديه طبعا الحقيقه مش مجامله
    الف شكر يا هايا انتى المتألقة على طول
    و متشكرين لذوقك


    اقتباس المشاركة الأصلية كتبت بواسطة eng.Mohamed Medo
    وعندك حق مذيعين متالقين جداااااااا
    تلاميذك يا باشا

    اقتباس المشاركة الأصلية كتبت بواسطة eng.Mohamed Medo
    والله عندك حق يا ديب دون
    دول كانوا متشطرين عليا اوى
    كانهم بينتقموا منى
    يلا ربنا يسامحهم بقا

    بقى كده يا ميدو
    دانا قايلك انى كنت طيب معاك
    طب ايه رأيك بقى انى بافكر اعيد الحلقة علشان اوريك الانتقام يبقى ازاى

    هههههه بس بجد الحلقة بتاعتك كانت جميلة أوى و اجاباتك فعلا عجبتنى

    اقدر اقول ان الحلقة بتاعتك و الحلقة بتاعة سارة احسن حلقتين انا عملتهم
    " مَا أَصَابَ مِنْ مُصِيبَةٍ فِي الأَرْضِ وَلا فِي أَنْفُسِكُمْ إِلاَّ فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ * لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَا آتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ "


  7. #7
    Moderator asmaa abdalla
    تاريخ التسجيل
    Feb 2009
    الدولة
    somewhere that nobody can reach even me :D
    العمر
    28
    المشاركات
    2,153
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    انا اسعد والله يا اسماء وانا لاقيت ان الحكاية دى مريحة جدا اكتر من انك تكون مذيع
    ويارب زى ما كنت الى حد ما مذيع خفيف على الناس انى اكون ضيف خفيف ايضا
    انت اسعد انا اسعد سيب اسعد ف حاله دلوقتى المهم انها فعلا حلقة جميلة جدا ومتميزة ولينا الشرف اننا عملناها
    وطبعا ضيف خفيف
    والله عندك حق يا ديب دون
    دول كانوا متشطرين عليا اوى
    كانهم بينتقموا منى
    يلا ربنا يسامحهم بقا
    اممممممم
    كدة برده ؟؟؟؟؟؟؟ شكلى كدة حوافق على رايى ناجى ف اننا نعيد الحلقة
    ياما شوفنا فى عيون حلوين ..
    حكايات القلب المسكين ..
    اولها ورد وياسمين واخرها انجرح الياسمين

  8. #8
    Moderator sara-k
    تاريخ التسجيل
    Jun 2008
    العمر
    28
    المشاركات
    2,857
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    الحلقه يا ميدو كانت جميله اوي واجابات عن نفسي استمتعت بالقرياتها
    يارب يحققلك كل امنياتك
    بالنسبه للتنسيق الحلقه عايزه اقولك يا ناجي الحلقه حلوه اوي ومرتبه بشكل جميل
    واسئله كانت جميله والاجوبه اجمل وكانت في الصميم
    Some people come into our lives and quickly go.
    Some people move our souls to dance. They awaken us to
    new understanding with the passing whisper of their wisdom
    Some people make the sky more beautiful to gaze upon.
    They stay in our lives for awhile, leave footprints
    on our hearts, and we are never ever the same



  9. #9
    Moderator eng.Mohamed Medo الصورة الرمزية eng.Mohamed Medo
    تاريخ التسجيل
    Oct 2007
    الدولة
    اسكندريه
    العمر
    28
    المشاركات
    2,798
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    لا اعادة ايه
    اتسال الاسئلة دى كلها تانى

    الحلقه يا ميدو كانت جميله اوي واجابات عن نفسي استمتعت بالقرياتها
    يارب يحققلك كل امنياتك
    بالنسبه للتنسيق الحلقه عايزه اقولك يا ناجي الحلقه حلوه اوي ومرتبه بشكل جميل
    واسئله كانت جميله والاجوبه اجمل وكانت في الصميم
    شكرا ليكى يا سارة

    لا تقل اننى حزين
    او ان الدنيا والناس ضدى
    فرغم ظلمات الليل وسواد سمائه
    فهناك قمر ونجوم تزين قبحه





  10. #10
    Moderator Eng Moamen الصورة الرمزية Eng Moamen
    تاريخ التسجيل
    Feb 2009
    الدولة
    Sidi Bishr @ Alexandria
    العمر
    29
    المشاركات
    3,006
    معدل تقييم المستوى
    0

    Re: الحلقة (الثالثة عشر) من برنامج مزيعين على الهوا "حلقة خاصة"

    موضوع جميل كالعاده وعجبني أوي كلام محمد عن الصداقه فعلا أنت أنسان محترم وشكرا ليكو علي الحلقه الجامده دي ومستنيين الحلقات اللي جابه





+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك