+ الرد على الموضوع
النتائج 1 إلى 3 من 3

الموضوع: ▂ ▃ الحلقة الثانية من برنامج مزيعين على الهواء (part 1)▂ ▃

▂ ▃ الحلقة الثانية من برنامج مزيعين على الهواء (part 1)▂ ▃

  1. #1
    Moderator eng.Mohamed Medo الصورة الرمزية eng.Mohamed Medo
    تاريخ التسجيل
    Oct 2007
    الدولة
    اسكندريه
    العمر
    28
    المشاركات
    2,798
    معدل تقييم المستوى
    0

    ▂ ▃ الحلقة الثانية من برنامج مزيعين على الهواء (part 1)▂ ▃

    السلام عليكم ورحمة الله وبركاته
    واهلا ومرحبا بيكم اعزائى المشاهدين فى برنامجنا مزيعين على الهوااااااااااااااااااااا اااااء

    انهارده معانا ضيفة جميلة جدا هى

    هايا

    Hams El Amar

    بنرحب بضيفتنا النهارده هايا اهلا بيكى منوره البرنامج :
    جاهزه يا هايا

    ميرسى ليكى يا همس على المقدمه الجميله ديه وطبعا جاهزه............

    مبدأيااا يا هايا ازاى اتعرفتى ع المنتدى ؟ وايه اكتر حاجه عجبتك فى المنتدى وخلتك تستمرى فيه وطبعاا احنا سعداء بوجودك معانا؟؟؟
    ولا انا معرفتش المنتدى الا من خلال صحابى اللى فى هندسه هما اللى عرفونى عليه لانى كنت ديما زهقانه وبحس بملل ومكنش ليا نشاط كتير اوى فى الكليه ولا كنت بحب القاعده ع النت فهما تقريبا اللى شجعونى وادونى دفعه انى ادخل ع المنتدى كزائره فى البدايه وبعد كده الجرأه نزلت عليا مره واحده وقمت مسجله فى المنتدى وكانت بدياتى ردور على الاعضاء وبعد كده برضه صحابى هما اللى شجعونى على انى انزل مواضيع فى المنتدى وكانت بجد حاجه لطيفه خالص وحاجه كتييييييييير مسليه وممتعه انك تنزلى توبيكات وتفرحى بس بمجرد ان حد شافها ومش رد المهم ان حد دخل وقرى واستفاد مش بيهمنى الردود قد مبيهمنى عدد المشاهدات والاستفاده اللى الاعضاء او الزوار استفادوها بس خلينا واقعيين شويه هههههههههه ان لما حد بيرد ع التوبيك بتاعك بمجرد كلمه شكر انه بيشجعك و بيديكى دفعه انك تطلعى احسن ما عندك وافضل مجهود
    اكتر حاجه عجبتنى فى المنتدى وخلتنى استمر فيه حاجات كتيره بس اهم حاجه مبدأيا هى احترام الاعضاء لبعضهم وكذللك المشرفين والتيم ورك والادمن دا غير بقى الاعضاء اللى موجوده تحسى كده انهم اخواتك وخايفين عليكى وعايزينك بجد حد مميز فى التفكير و الاراء وكل حاجه دا غير المواضيع بتاعه الاعضاء اللى فى الغالب ما بتكون هادفه ومفيده وبتشجعك انك تكونى ايجابيه مش سلبيه بجد المنتدى غير فيا حاجات كتيره اوى كانت جوايا سلبيه
    وانتم سعداء بوجووووودى معاكم فانا كتير بجد اسعد


    رأيك فى تربيه انجليش ويا ترى دى كانت الكليه اللى نفسك فيها ولالا؟
    فى الغالب وبكل صراحه مكنتش بطيق حاجه اسمها تدريس على الرغم انى كنت بحب المدرسين اللى كانوا بيدونى لان كتير منهم حببونى فى المواد اللى كانوا بيدوهلنا دا غير كمان ان كان فيهم مدرسين عندهم ضمير اوى
    المهم ان كليه التربيه ديه مكنتش فى دماغى خالص تقريبا كانت اخر رغبه بالنسبه ليا ومكنتش ديه خالص اللى فى نفسى انا كان نفسى ادخل كليتين متقولوش عليا طماعه بس بجد كانوا اهم امنيتين فى حياتى الاولى كانت اعلام ولم يحالفنى الحظ على د***ها والتانيه برضه كانت كليه اللغات والترجمه .........سبب عدم د*** الاولى 1% من المجموع والتانيه بسبب انى سألت عليها فقالولى انك هتخدى مواد كتيره شرعيه بالاضافه لمواد التخصص وصعبه والكلام ده فكنت حزينه جدا على انى محققتش الامنيتين دول بس فى الاخر بعد سنه من الحزن كامله بمجرد د***ى كليه التربيه اقتنعت ان دا نصيبى وربنا عاوز كده وقدر الله وماشاء فعل وانا مش عارفه الخير ليا فين فدا نصيب والحمد لله رضيت بيه
    راى انا فى كليه تربيه ؟؟؟؟؟؟؟؟؟ سؤال محير يا همس ههههههههههههه
    فى البدايه زى مقلت مش كنت بطيق الكليه ولا كنت بطيق حد فيها وكنت منعزله عن كل اللى حوليا كأنىمجنده فى الجيش
    بس طبعا بعد معاناه وطول تفكير اقتنعت بالكليه وحسيت انى ممكن اثبت نفسى فيها بما انى قسم انجلش فمبعدتش كتير اوى عن الرغبه التانيه اللى محققتهاش وهيه كليه لغات وترجمه وربنا بقى يقدملى الخير واقدر احقق اللى نفسى فيه ادعولى بقى وبجد عن تجربه كليه التربيه تعتبر من اهم واحسن الكليات وخصوصا للبنات لانى درست فيها حاجات فدتنى ولسه ان شاء الله هستفاد


    لوسافرتى خارج مصر ولقيتى اتهامات حاده ع مصر موقفك حيكون ايه وحتردى وتقولى ايه؟؟؟؟؟
    لو سافرت خارج مصر طبعا وديه امنيه حياتى ولقيت اتهامات حاده على مصر فى اى جانب من الجوانب اللى متهمه فيها مصر سواء دينيه او سياسيه او اى جانب تانى من الجوانب المتهمه فيها مصر طبعا هزعل وطبعا مش هسكت امال لسانى راح فين ههههههه بهزر على فكره
    اكيد طبعا هبقى زعلانه على بلدى لانى مهما كان مصريه بس ححاول التزم بالهدوء مش العصبيه واعرف معلومات الناس اللى موجهه الاتهام لمصر عن مصر ايه وموجهين الاتهام بناءا على ايه؟ ؟وبعد كده احاول اقدم لهم وجهه نظرى عن هذا الاتهام وادافع عن بلدى بكل ما امللك من ادله وبكل وسائل الاقناع واحاول اصحح معلومات الناس ديه عن مصر برضه بالادله ولو كانت مصر تستحق هذا الاتهام احاول ابقى محايده وده طبعا لو كانت الاتهامات بأدله قاطعه لا مجال فيها للتشكيك واحاول ابرر موقف مصر من هذا الاتهام


    ايه رأيك فى مستوى السينما المصريه ؟ والافلام المعروضه دلوقتى فى دورالعرض؟؟
    والله يا همس هكلمك بكل صراحه ووضوح انا شايفه ان مستوى السينما كان زمان مستوى راقى اوى وكانت سينما مصريه مستقله ذو طابع مصرى لا طابع غربى اوربى تحسى كده فيها بعادات وتقاليد المصريين مش عادات وتقاليد الغرب وكنا بناخد كتير جوايز اوسكار على كتير من اعمال السينما المصريه انما دلوقتى اعتقد ان السينما المصريه فقدت استقلالها وطابعها الخاص واصبحت مجرد سينما مقتبسه او ما تسمى بالسينما المقلده اوربيا اما بقى رأيى فى الافلام المعروضه دلوقتى فى دور العرض فأنا بقى مش حاسه انى اقدر اقول دا فيلم افلام بذيئه جدا لا تليق بالذوق العام ذو مستوى هابط تحسى ان مفيش ما يسمى بالمضمون الدرامى تحسى ان الفيلم بدايته زى نهايته فيه حشو كتير تلاقيه جوه الفيلم ملهوش لازمه مش زى الافلام الامريكى كده تحسى فيها بالاثاره والمتعه والخيال وتحسى كمان ان الافلام مش بتعالج قضايا فى المجتمع زى ما مخرج الفيلم يطلع يقول بل العكس بعد ما الناس بتشوف الفيلم تأثير الفيلم لوحده لما يحتويه من مشاهد مستفزه وكلام لا يليق بالذوق العام بيخلق قضيه جديده للمجتمع وهى ان الناس بتبتدى تقلد الجوانب السلبيه اللى موجوده فى الفيلم لتأثرهم بالفنان المحبب ليهم فطبعا انا مش شايفه الا سينما هدامه لعقول وتفكير شبابنا ودا طبعا واضح فى ايامنا زى مبنشوف

    ايه رأيك فى فكر الشباب والبنات اليومين دول ؟؟
    والله يا همس من خلال تجاربى البسيطه مع الناس ومن واقع اللى بشوفه كل يوم وبسمعه فأنا شايفه ان فكر الشباب والبنات بس مش كلهم على فكره بس الاغلبيه تفكيرهم هابط مفيش طموح ومفيش اهداف قدامهم تحسى ان عندهم لا مبالاه الولد والبنت من دول عاوز ينجح من غير ميذاكر كل اهتمامهم بقى بوسائل الترفيه النت والجيم وانه يبقى زى لاعيب الكوره الفلانى والبنت زى المطربه الفلانيه او الممثله الفلانيه مفيش تحمل للمسئوليه تحسى انهم فى مرحله الطفوله تفكيرهم بقى منصب ع التقليد الاعمى من غير تفكير فى كل حاجه سلبيه اوربيه على اعتقاد انهم بيواكبوا العولمه والتحضر وياريتهم بياخدوا الجانب الفكرى العلمى الاوربى اللى يقدروا يفيدوا بيه بلدهم بل العكس بياخدوا الجوانب السلبيه اللى الغرب حاولوا يتخلوا عنها حاجه كمان الولد والبنت عاوزين يتخرجوا يلاقوا الوظيفه مستنياهم ومش بيحاولوا يبحثوا ولا يكونوا مرنين لايجاد اى وظيفه ويرجعوا يقولوا البطاله ومفيش شغل والكلام ده لا انا بقول فيه شغل وكتير كمان بس احنا اللى مش بنأهل نفسنا الاول لاى وظيفه ولا بنكونوا مرنين عشان كده بنشوف البطاله فى تزايد بس صراحه انا بشوف نماذج ربنا يعزهم يارب قمه التفكير السليم وقمه الاعتماد على النفس وقمه النجاح والتفوق بس الاغلبيه زى مبقوللك يا همس لا مبالاه ولا شعور

    يا ترى شايفه علاقتك بأهلك واصحابك ازاى ؟؟وياترى شيفاها زى ما انتى عاوزه ؟
    والله يا همس هتكلم بصراحه واقوول انا الحمد لله علاقتى بأهلى الحمد لله كويسه علاقه صداقه ومحبه قبل ميكونوا اهلى انما بقى علاقتى بصحابى برضه الحمد لله كويسه وبحبهم انا شايفه علاقتى بأهلى زى منا عاوزه اه انما علاقتى بصحابى صراحه مش كل صحابى عجبانى علاقتى بيهم ديما بحس انهم فى عالم تانى غير اللى انا عيشاه معرفش ليه ؟ يمكن العيب فيا انا بقى والله اعلم بس فى النهايه برضه مهما مكنش عجبنى علاقتى بيهم فى حاجات معينه لا يمنع ذللك انى بكن لهم الحب والاحترام والاخوه لان برضه مفيش حد كامل والكمال لله وحده


    فى نهايه لقائى معاكى احب اعرف ايه طموحاتك بع ما تتخرجى انشاء الله ؟؟؟

    انا ان شاء الله بعد متخرج طموحى انى احقق اللى نفسى فيه وهوه انى ابقى مترجمه فوريه او مدرسه تيوفل او لو حالفنى النصيب انى اكمل درسات عليا هكمل ان شاء الله لان طموحى اقدر اقول بعيد المدى انى ابقى دكتوره فى قسم الانجلش والحمد لله على كده

    ويارب تكون اسئلتى خفيفه عليكى
    ومعاكى دلوقتى العلاميه ساره حتكمل معاكى باقى الحوار

    طبعا نورتينى يا همس باسئلتك اللذيذه ديه ويارب اكون قدرت اجاوب على كل سؤال وجهتيه ليا وبجد محاوره هايله

    اوك تنورينى يا ساره بحوارك


    الجزء الثانى http://www.eng-club.com/forum/eng-cl...-2-t11930.html

    لا تقل اننى حزين
    او ان الدنيا والناس ضدى
    فرغم ظلمات الليل وسواد سمائه
    فهناك قمر ونجوم تزين قبحه





  2. #2
    Moderator Mido Alex
    تاريخ التسجيل
    Oct 2006
    الدولة
    .::Alex::.
    العمر
    24
    المشاركات
    3,292
    معدل تقييم المستوى
    0

    Re: ▂ ▃ الحلقة الثانية من برنامج مزيعين على الهواء (part 1)▂ ▃

    انا قريت الحوار كله ال3 اجزاء طبعا
    بس قولت ارد هنا عشان افعل الجزء الاول
    اهلا بهايا طبعا قدمتلنا كضيفه حلقه جديده وافكار مختلفه
    حسيت من كلامها انها طموحه وده شئ كويس
    شكرا ليكوا على الحلقه الجميله
    [zoom=100:1slkvtdh]http://i32.tinypic.com/nnqwc2.jpg[/zoom:1slkvtdh]
    ما أعظم ان تكون‮ ‬غائبا حاضراً .. ‬علي ان تكون حاضرا‮ً ‬غائباً

  3. #3
    Senior Member ~ Laila Wahda ~
    تاريخ التسجيل
    Nov 2007
    الدولة
    يعنى حأكون فين يعنى .. مطرح ماأنا قاعدة طبعا..
    العمر
    27
    المشاركات
    1,987
    معدل تقييم المستوى
    0

    Re: ▂ ▃ الحلقة الثانية من برنامج مزيعين على الهواء (part 1)▂ ▃

    همس .. أسئلتك حلوة جداً ..

    هايا .. واضح من اجاباتك انك شخصية متميزة ..
    http://d3anialshoog.jeeran.com/files/72294.png

    الصوت ليه
    ينكتم
    والحلم ليه
    ينقتل
    والأماني تموت

    والعمر ليه ينتهي
    والحياه تشتهي
    الذل مع الخلود
    يا خسارة
    خسارة ألف صوت
    في زمن يحلي
    فيه السكوت

    من مواضيعى ...
    ......................
    80 مليون ..!!..

    الحب .. وليسقط أى حب آخر !..

    سرقة مشروعة ...

    عندما كنت فى عالم الرجال ..

    امشى وانت ساكت ...

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك